19 мая ў бібліятэцы «Верасок» адбылася цырымонія ўзнагароджання пераможцаў раённага злёту юных талентаў пад назвай “Пра цябе, мой родны край”, прысвечанага Году малой радзімы. Тут сабраліся таленавітыя вучні з 12 школ раёна.
Цырымонія ўзнагароджання пачалася з песні ў выкананні Чарняўскага Канстанціна, саліста ўзорнай эстраднай студыі «Жывы гук» Палаца культуры.
На конкурс, які праводзіўся сярод удзельнікаў Злёту па трох намінацыях: «Паэзія», «Проза», «Жывапіс», былі прадстаўлены 66 работ: 29 паэтычных твораў, 20 — празаічных, твораў жывапісу — 17.
Усе ўдзельнікі конкурса былі узнагароджаны дыпломамі, падзячнымі пісьмамі, падарункамі і заахвочвальнымі прызамі.
Для ўдзельнікаў і гасцей Злёту была падрыхтавана насычаная і разнастайная канцэртная праграма. Сапраўдным падарункам стала выступленне дзіцячых калектываў Палаца культуры г.Маладзечна: выхаванцаў узорнай студыі эстраднай песні “Спяваем разам” Паліны Сіняўскай і Марыі Мумладзе.
З вялікім поспехам выступілі таленавітыя дзеці з сярэдняй школы №8, якія наведваюць тэатральную студыю «Кіпень» пад кіраўніцтвам Ліліі Міхайлаўны Стасюлевіч. Яны паказалі ўрывак — сучасную інтэрпрэтацыю казкі “Папялушка”.
Мы шчыра віншуем вучняў з удзелам у конкурсе, ганарымся імі і спадзяёмся, што конкурс стаў яшчэ адной магчымасцю праявіць сябе, даказаць сабе, што ты можаш быць лепшым. Жадаем ім поспехаў у іншых конкурсах і спаборніцтвах. Таксама выказваем падзяку педагогам , якія дапамаглі школьнікам паспяхова выступіць на конкурсе.
Відэа з мерапрыемства можна паглядзець па ссылцы:
