20 мая ў бібліятэцы адбылася прэзентацыя вынікаў творчага конкурсу буктрейлераў “Цікава, коратка, яскрава”. Праводзіўся ён з мэтай папулярызацыі кнігі і чытання сярод дзяцей і падлеткаў. 22 вучні з 14 адукацыйных школ горада і раёна прынялі ўдзел у конкурсе, да якога рыхтаваліся амаль тры месяцы. У склад членаў журы увайшла Таццяна Карашкова – рэдактар Маладзечанскага тэлебачання камунальна-ўнітарнага прадпрыемства «Тэлевізійная вяшчальная сетка”, якая і дапамагла справядліва ацаніць дасланыя буктрэлеры. Сярод відэаролікаў трапляюцца і вельмі цікавыя матэрыялы: па кнігах: С.Алексіевіч “Чарнобыльская малітва”, Р. Баравіковай “Вячэра манекенаў”, У. Караткевіча “Дзікае паляванне караля Стаха, І.Мележа “Людзі на балоце”, па казцы Э.Ліпскага “Клякса Вакса і Янка з Дзіўнагорска” і іншых творах. Канкурсанты — пераможцы былі адзначаны каштоўнымі падарункамі і дыпломамі, астатнія — заахвочвальнымі прызамі. Лепшыя буктрейлеры былі перададзены ў архіў бібліятэкі для далейшай папулярызацыі мастацкай літаратуры.
 |
 |
 |
 |
