20 лютага супрацоўнікі аддзела па абслугоўванню дзіцячага чытача правялі лінгвіністычную гульню «Мова родная, сябруй са мной», прымеркаваную да Міжнароднага дня роднай мовы. Выхаванцы ДУА «Спецыялізаваны дзіцячы сад № 2 г.Маладзечна» адправіліся ў казачнае падарожжа. Дзеці не толькі адгадвалі загадкі і шукалі адгадкі на кніжных паліцах, але і паспрабавалі сябе ў ролі перакладчыкаў на родную мову. Аб’ядналі дзяцей арыгінальныя і цікавыя «Фізкультхвілінкі па–беларуску». Для дзяцей удзел у бібліятэчных мерапрыемствах — гэта адна з найлепшых магчымасцей праявіць свае здольнасці, выдумку і фантазію.
